Psa 11 | TUCO | STEP | Mbouŋ to David You nanumeer Yoova ve nayooŋ ila toni. Pughu vena to yam asavia saveeŋ to borouŋa payou aghaze: “Ughau uzala pa lolooz, inimale man imatughez ve iroov izala.

aMbo 82:5

bMbnp 19:24+; Syg 14:10, 21:8

cMbo 27:4; Mt 5:8; 2Pe 3:13

Psalms 11

Sawa to ŋgar isob isami

Mbouŋ to David

1 You nanumeer Yoova ve nayooŋ ila toni.
Pughu vena to yam asavia saveeŋ to borouŋa payou aghaze:
“Ughau uzala pa lolooz, inimale man imatughez ve iroov izala.

2 Ughita! Ndiran samsamia tiyoŋyooŋ ila ndoroom lolo.
Yes tiyool pane todi, tighur pane natu ila ool, ve tisasaŋan tighaze tivaneg tamtoghon to ŋgar deŋia ineep tuŋia ila lolodi.”
3 Oyai, ŋgar ve tutuuŋ naol to tinim pughu pa nepooŋ poia, aazne tamtoghon tiwaghamun di le tisami wa.
Tovenen ŋgeu deŋia pale igham vena? ^a
4 Eemoghon Yoova, ye ineep ila rumai toni patabuaŋ lolo.
Ye kinik to sambam to ineep ila ina to ghamuuŋ pooz.
Ve mata ighita tamtoghon tisob, ve iŋgagabiiz ŋgar todi.

5 Yoova iŋgagabiiz tamtoghon deŋiadi ve yes samsamiadi paam. Leso iwatag ŋgar todi.
Yes to lolodi pa ŋgar to rabuuŋ tamtoghon, ye lolo padi rita maau. Ighur koi padi.

6 Tovenen ye pale igham yab ŋgiliŋi toman yaam salfa tuntunu to vuzi samia, titaptap tizi ve tiwaghamun ndiran samsamiadi.
Ve igham yaghur tuntunu kat inim leso iwaghamun di. Nene atia todi. ^b

7 Pasa, Yoova itaghon ŋgar deŋia moghon.
Tovenen ye lolo pa tamtoghon to tighamgham ŋgar deŋia.
Yes to titaghon ŋgar poia, nene pale tineep tomani, ve tighita nagho. ^c